CHICCHIRICHI': I MONUMENTI DI VERONETTA

CHICCHIRICHI': I MONUMENTI DI VERONETTA: In "GIARINA" ghè tre monumenti.Uno su la ponta della Giarina,a PAOLO VERONESE,uno ai giardineti de fronte le Scole,uno sul piassal sora al garage de Piassa Isolo.Quel i Giarina belo,PAOLO VERONESE,un pitor,bel'omo ,bel monumento.Uno di fronte a la ciesa de Santa Maria in ORGANO.Un bel Preton,COMBONI,adesso Santo,con du moreti.El terso,sul piassal,"non se sa cosa el sia!"UN SCARABISSO DE BANDA,che forse vol intenda el fil spinà dei campi de concentramento!Ma gaveili altro da far ?Ma ci lo ha ordinado?L'era un pesso che l'era in un magasin,serado via.Ma forse l'artista che l'ha fato,nol savea gnanca lu a chi cassarghelo drio!Eh ma schei e amicissie stofega la giustissia.Alora la pensada!"UN MONUMENTO AI DEPORTATI ! " Si,sessant'ani dopo finida la guera!E dove lo metemo?Là,in Piassa Isolo. Ghè tanto posto in Piassa Isolo.E quei del quartieri sa dirali par sto roejo de fero? I diga quel che i vol,lori non comandan niente.Semo noialtri,quei della Commission Culturale del Comune che sa cosa l'è belo par lori. E po tenierlo in magasin costa sto monumento!In Piassa Isolo,gnanca un franco. Così eco,che i ne là piassà.Belo era?Gnanca i cani se aldega a pissarghe in costo,parchè i ciapa paura.El fa vegnar mal de stomego solo a vardarlo un poco.Bisogna tor el bicarbonato dopo che se vien su da la piassa!E ci sà cosa el n'è costado!Ma se sa,miga jè dei assessori i schei che se spende,non i tira mia fora el so tacuin lori.I ne fa pagar par una cassada e dopo i voria sentirne dir : "CHE BELO !".

ATTENTI I NE INCULA! PROPRIO A VERONETTA !

Avio visto gente quante boteghe de "COMPRO ORO" i sta versendo?Ghe n'è un fotio!Sera j'orevesi e verse i COMPRO ORO.Qua,ghe ne una con tanto de cartel fora :"COMPRO ORO A 29 EURO IL GRAMMO " e soto in picenin i gà scrito "24 k"!Sa voli dir? I vol dire che 29 Euro al gramo non i ve li da mia,semi!Ci è che gà oro a 24 carati?Nissun !Quel poco oro che uno pol averghe,la cadenina,la fede,i recini, jè disdoto carati,oro 75o!Alora vol dire che i vintinove euro al gramo,i diventerà un quarto de manco!Sti atenti gente che i ve incula!Jè furbi savio? Jè come i strossini!Jà capido che semo in braghe de tela e i vol ciavarne l'oro,quel poco che ghemo,de famea,a strasso marcà ! E le piere?Se un anel gà una piera,la valarà qualcossa!Nei anei de solito l'è la piera che val,l'oro l'è el manco.Sti atenti ripeto gente,l'è una maniera furba par torne ancora par el torototela!Se proprio gavì bisogno impegneli al MONTE j'ori.Almanco gavì la speransa de poder riscatar el pegno un doman.Quei lì,quei del "COMPRO ORO",jè come el Gato e la Volpe de Pinocchio,che ja fregà el Buratin fasendone semenar le palanche nel campo,disendoghe che saria cressudo l'ALBERO DEGLI ZECCHINI.Avio visto ala fine che ciavada?

CHICCHIRICHI': TE LO AVEVO DETTO SINDACO.

CHICCHIRICHI': TE LO AVEVO DETTO SINDACO.: Veronetta,PIAZZA ISOLO.Son mesi che invio missive al TOSI,al tanto pubblicizzato SPORTELLO DEL CITTADINO.Son mesi che segnalo la mancata man...