LA PERGOLA DE SANTA MARIA IN ORGANO.

Dentro la cortesela de la canonica de Santa Maria in Organo,ghera una pergola.La fasea un'ua moscata che l'era na delissia.L'era lì da sempre,el l'avea conossuda anca me nono!Noialtri da bocie,dato che lì ghera el patronato,la tenieino sempre d'ocio quando l'era ora.Anca el PRETE però.Nol volea mia che ghe ne ciavassimo nianca un graspo.Ma sa,non el podea miga essar sempre lì el prete e appena el girava l'ocio,sù par le inferiate delle finestre della scola,a ciavar graspi!L'era bela la pergola.La gavea tre grossi tronchi che venia su da cissà dove,par dopo coersar tutto el cortil!Se podea star a l'ombra tutta l'istà a sugar a ping-pong,sensa ciapar solane.L'ultimo a teniar la pergola,l'è stà Don Mario,fin a pochi ani fa.Morto don Mario,morta la pergola.Ma no parchè la se sia sa secà,parchè i l'ha tajà.La ghe stava sui cojoni la pergola al novo Parroco.Cissà parchè.E i ghe l'ha lassar far.Adesso che bruto quel cortil lì.Resta solo le inferiade imberlà da noialtri alle finestre della scola.Ma non le mia finì li!Più in là,al fianco destro de la ciesa,ghè un altro cortil.El gavea figari e un'altra pergola tacà el muro.Ma i gavea da far i laori,par far la ciesa più bela ciò.Sa vio sa jà fato?Via la pergola e via i figari.I figari non i rompeva mia le bale par i laori,ma a qualchedun si!Eco,andà via anca quel prete,lì e un'altro ancora.Adesso ghe n'è uno novo,i m'ha dito.Vedaremo sa el fa tajar quel lì.Forse l'olivara che ghè dentro la cancelada de destra?Forse el cipresso che è restà?Le mejo che el se taja qualcossa d'altro se anca sto qua el gà quele bele idee li.Ognuno che vien taja. E la ciesa le sempre più sola.Son restà mi e CHICCHIRICHI' a guardar la ciesa monca del so verde,de la so ua e dei so figari.Ma nissun la dito niente.Ma ormai non ghè nissun dei veci,de quei che ha robà ua e fighi, da mostri.Sa volio che ghe interessa a quei quatro foresti che va ancora in ciesa.Domandighe a quei che non sta più in sona,a quei de la me età e che sei se ricorda de la PERGOLA DE SANTA MARIA.Ma adesso jè tuti ecologisti! Si da carega!

El scalin de Piassa Isolo e la Balaustra de Frà Giocondo

Su l'Arena de ancò ghè scrito che finalmente dopo DU ani jà giustà la BALAUSTRA a la LOGGIA DI FRA' GIOCONDO,in PIASSA DANTE! Dunque sa voli dir?I vol dire che se ha spetà du ani Piassa Dante,noialtri de Piassa Isolo,ne tocarà spetarghene vinti! "Ma dal bon ghe vorà tanto?"Certo siori,savio mia che i pierari,quei che fa scalini e balustre jè ciari come le mosche bianche? "Ma se gavemo l'INDUSTRIA DEL MARMO,DE LA PIERA in Valpolicela,a Stalavena,ai Belori !" Oh ma quele jè solo par i grossi laori gente.Par quei picenini "tempo e paja.....".Ma se te more uno in casa,nol fa ancora ora de essar fredo,che sa i te telefona a casa quei de le lapidi!"Assemo star quei lì, je come le grole quei li! Ansi tochemo fero!Par el scalin de Piassa Isolo,non i se aldega nianca de veniar a tor su i tochi,imaginemose a farlo! E pò te ne digo una.Se te ve su INTERNET ghè un SITO,come i le ciama,dove i ghe fa i pulsi alle delibere comunali sui SCHEI che el COMUNE ghe passa a Ciese e Conventi.Du mesi fa,ghera una delibera,che assegnava 2ooo Euro,non me ricordo più a che Moneghe,bisognaria che andasse su quel che ho archivià par dirte el nome,par GIUSTAR DO SCALINI de la so ciesa.Eco.Par quele lì i schei ghera!Pa nealtri de Veronetta no!Ma se sa ,le MONEGHE le dopara l'aqua santa par i pediluvi,noialtri che femo i scalini tutti i giorni par passar la Piassa,se vede che i nostri piè i spussa!Perciò a chi ghe spussa i piè,niente schei par i scalini roti!Sa vuto che te diga!