El materasso con le gambe .

La stimana passà ghera un MATERASSO,in via Santa Maria Rocca Magior,tacà ai cassoneti della immondissia.Non se sa come l'è rivà in Piassa Interrato Redentor,tacà la mura del Wallner.Le gambe iera quele de un sderenà che l'ha dormido sul marciapiè.El belo l'è che el gà lassà anca la firma in sima.Una bella macia marron.Basta guardar passando e se indovina con cosa l'è stada fata!E dopo el l'ha messo drito in piè.Che el se veda ben.Voleo fotografarlo e metar la foto sul post.Ma la machineta la s'ha rifiutà de scatar."Non fo mia quelle foto slandrone la m'ha dito,me vien schifo ,la m'ha dito".Dunque scrivo solo l'articolo.Quel che me fa girar i totani,non l'è la porcaria che ho contà,l'è che da sinque giorni,ghe passa davanti spassini e stradini,tutti con el so brao caretin!I le vede el MATERASSO slordà,ma nissun se ferma par caricarlo e portarlo via!Che ordini gai i spassini?Le merde lasarle star?Che tutti i le veda?Chi parcheggia sulle righe blù e ci passa?Stamattina è passa un sciapo de turisti.Seto che sganassade ja fato?Bela figura femo in Giarina.La figura de sporcacioni!I cani i gà in mente che i sporca,ma ai porchi ci ghe pensa?