Vedio sa i fa i preti ? I desfa e i fa quel che vol lori!A lori i ghe le da tuti i permessi.E se non i ghe le da,i se le tol!Ansi ghe demo anca i schei par far quel che vol lori! LA VEDIO LA RUSPA NELLA FOTO DE SINISTRA?ECO LI GHERA UN PARCO,DEDRIO AL DON CALABRIA.SAVIO SA GHE' ADESSO?UN PARCHEGGIO MACCHINE PERTINENSIALE!OH,i la fato ben savio,ghè tuti olivari,ghe i lampioni e anca el cancel,col muro novo.Casso con tuto quel che le costà.Solo che non ghè più i veci albari del parco!I ghe na teniui un par par far veda che jè "rispetosi de l'ambiente",lori.Ma ci ga da metarghe le machine,proprio lì?Mah, non se sa.Dedrio ghe una vila de la fine del settecento,eredità che gà lassà qualche dun al don Calabria,insieme ai campi.E dentro ghè un pochi de butei con disgrassie intorno. Ma non credì a gratis savio? I paga!Sarà miga quei che gà la machina vera?I PRETI i pianse sempre miseria,e par che i schei i ghe serva par aiutar i pitochi e i desgrassià.Ma non le mia vera savio?I ghè serve par far come jà fato con el parco desfà.Par far belo el SEMINARIO e farghe tanti garage soto.Tuti par lori però.Trovime un prete che se moa a piè se si boni!Fato sta,che lori,ne le so propietà i gà sempre i muradori in casa,a far belo,a far grande,a far garagi.Preti e anca moneghe.Anca le CAMPOSTRINE jè drio costruir."CENTRO CONVEGNI GIOVANILE",con i schei della fondassion de na Banca che conossì ben!Oh le fondassioni bancarie,le inpinisse i preti de schei par far laori,mai che le le fassa par le case dei pitochi!E lori,preti e moneghe,spende,spende schei a balon!Tanto ci ghe fa i conti a lori! Saria niente,disemo,l'è che i desfa el verde e nissun ghe dise amen!Dopo però i ne manda a casa i volantini col vaglia,par domandar schei par i moreti de l'Africa,che sta mal e more de fame!Intanto,par mocarla li,ancora albari de manco su le toresele,ancora cemento de più.Ah andemo proprio ben!
