ARRIVAN GLI ECOLOGISTI A SAN SEN IN MONTE !

LA VEDIO LA FOTO A SINISTRA?Ingrandila sul schermo,vedio le do strissie par tera?Jè quele che i fa i cosideti ECOLOGISTI quando i vien a tajar l'erba o a far altri laori a San Sen in Monte.Ecoloisti,ma de che?Bisogna vegnar con el camionsin a dopia trazion par tajar du ciufi de erba?Par sta vieta qua,non jè veniudi par SECOLI che a piè!Adesso ciò,i'ecoloisti i vien in machina!Ma voli torne anca par el cul?Jè volontari,ONLUS,NoProfit,i dise,i fa belo par nojaltri!A gratis.A gratis si,quei che sgoba par lori!Quei quatro butei volontari che i le scolta!Ma tearè che qualcheduno i schei i le ciapa.Non i vien mia par niente,i gà el so scopo.I vol metarghe le sgrinfie su San Sen in Monte,le torete,le rondele,Castel san Felice.I se buta avanti intanto qualcheduno,con la scusa de le ONLUS, la salvaguardia de l'ambiente.Intanto i desfa.Podeili mia lassar la rondela che ghè a sinistra de la foto(se vede solo el volto par andar dentro) come l'era?Ghera un bel'orto,con palme,cespugli de sgulmarin e lavanda,albari de armili e cachi.La parea una sera .No ciò,jà pelà tuto,bela adesso vera?Pelà e serada anca."Ma c'è pericolo di caduta nel vallo per i visitatori !"Ma qual pericolo,in tanti ani non è cascà mai so nissun.Semai dal valo i venià su i stracomunitari che gavea le tende soto!I venia a ciavarghe i'attressi a quei che gavea l'orto!Figuremose cascar sò.Una bala bela e bona.Intanto i ghe l'ha in man lori,la rondela e quel che ghè soto,le ONLUS,e pò,pò se vedarà.Ghe tuto inciavà,i tien el cucio caldo par quando sarà ora,vedarì.Intanto i vien su coi forastrada,quei de la salvaguardia de l'ambiente.Bel esempio vera?L'era mejo prima,l'era mejo quando non i fasea finta de tajar quatro rame!Ghera anca i fiori giali,i topinambur o come ostia i se ciama.I fasea un mucio de bei fiori giali,adessso i vien a taiar l'erba proprio quando i sta par fiorir e così ciao fiori.Ah je proprio brai. Sà che i ghè, i pol taiar anca le piante de caparo,non se sa mai che i fassa cascar so i muri!A jè furbi,jè furbi quei de le ONLUS,i gà la scusa pronta.Intanto CHICCHIRICHI' el proa a dirlo,el proa a dismissiar la gente.Vedaremo se qualcheduno del quartier el se sveja!I ne porta via tuto GENTE!Femo la fine de la BACOLA se non stemo atenti!