LA MERDA DE CAN.

Son i Piassa Isolo.Proprio sul marciapiè ghè una MERDA DE CAN. El can non el là mia catà su.Gnanca el so paron.Lo so ,se dovaria,ma qualchedun o nel se ne acorse o ghe fa schifo.Va ben,lassemo star.Ghè el SPASSIN che riva,con la spasadora e la paletina.El vede la MERDA DE CAN,el ghe spassa intorno,el ciapa su el va via."E la merda de can?"Ghe digo mi. Sa volo sior,el me risponde, in malomodo ,volo che cata su anca le merde de can adesso?Non l'e' mia affar mio.L'è affar dei paroni de cani!El me guarda mal anca.Resto lì come un oco.Ma come i SPASSINI par cosa ghei?Niente catar su merde o porcarie varie i Spassini?Questa l'è bela.Solo cartine e foiete,e poche anca?Ma dove semo arivadi?Ci bisogna ciamar alora a catar su merde de can,se i paroni non i neta?La PROTEZIONE CIVILE?Ma qualo elo el laoro da spassini alora.Sa vienli pagadi a far,presensa?Questa l'è un'altra de le robe che non capisso.Sarò anca indriò,ma ci spassa gà da spassar!Ve ricordio de una olta quando ghera cavai e mussi?I spassini i gavea la spassadora con la paleta dedrio,par catar su quel che fasea le bestie!L'era logico e normale.Adesso i spassini se i vede una merda de can,ghe vien angossa,e non i le tol mia su savio?Dovemo rangiarse noialtri.Ghe n'è sempre una de nove.Almanco i ne le diga che dovemo anca spassarse noialtri cittadini ,strade e marciapiè,noi staga sempre a torne in giro!