GHE' QUALCHE GATO!

Ghè qualche gato in giro.De quei gati a do sate che sa come scondar le robe.Chicchirichi' el sta fasendoghene le spese.Non so mia come i fassa,ma i le fa!Tute le olte che un POST el torcola quei del COMUNE,special modo i CANA,el POST se no el sparisse el vien fora monco,dopo un poco che l'è sta publicado.Anca quei che i parla de ROBE POCO CIARE par via de certe sone(come la BACOLA)dove non se sa mia ben come se sia podudo costruir case e serar strade.Femo apena ora a scrivarli e mandarli in RETE,che dopo un poco i sparisse!Sonti mi che gò le ubie ?Possibile che solo quel tipo de argomentassioni lì i sparissa sempre?Me piasaria saver come i fa par poder far qualcosa,ma mi non son mia esperto del PC e le so strambarie.Mi lo doparo come la machina da scrivar e basta. Son anca massa brao a riessar a impissarlo.Son vecio mi,par ste robe.Ma in ogni maniera seitto.Seitto a scrivar,vedaremo ci se stufa prima!Chicchirichì e la congrega iè duri savio?