TOSI COSA FETO?

Tosi,ma sa feto?Te trovito con quei lì?Con Casini,con Fini,con Rutelli? "L'è stà un formalità,un atto de creanza politica!".Ma A ci ghe la contito Tosi.Non sta a vegnar a contarne bale!Sito drio a pensar diverso?El sucesso talo dado alla testa?A te si sempre in tilivision,par radio,sui giornai.Te si andà anca in Merica.Te basta più era de essar Sindaco de Verona.Massa poco?Sta tento.E tra l'altro veto a cubiarte con quei li?Non te vedi ci jè?Uno el ga in mente acora la Balena Bianca,quel'altro l'è passà dal Nero al celestin rosa palido,el terso ppò gnanca nominarlo. L'ha indossà tutti i colori e l'è ancora drio a vedar che altri ghe ne pol essar,come Arlechin!Vara Tosi che te ste tornando indrio."Innovassion",ma con ci,con quei lì?Ma te vedi che i rasenta el ridicolo ormai? Tri pajassoni stracampii.I ghe disea su a quei de prima,ma ormai da quanti ani elo che jè in politica?Varda Fini,l'ha scomincià da buteleto,con Almirante, e salo fato?L'ha desfà tri partiti.L'è ancora in corsa parchè l'è Presidente de la Camara dei Deputati,se no el saria a cartoni.E Casini?quanti casini alo fato?Rutelli non ghe ne parlemo,un voltagabana che non te digo.E sperito de far qualcossa con lori?Du che tase e uno che scolta? Ma non te vedi che jè coti?Ma va là TOSI,torna par tera!I te ciava quei lì.Par cossa pensito che i se sia incontradi a VERONA? Par magnar la pearà?Par ti oco,par tirarte nel rocolo!Adesso la LEGA l'è sola e i vol scominciar a desfarla e ciapar i so voti.Non che bossi el me piasa più oramai,el sa messo in testa anca lu cassade,da quando l'è andà con BERLUSCUNI, e eto visto?Ciavà anca lu !Se te pensi de essar un politico serio,non sta farte gabar,pensa a VERONA e basta,Tosi.ghe n'è bastansa da far qua da noialtri sensa andar in serca de altre cagade.Eh,Tosi,non son mia el solo a pensarla cosita a VERONETTA seto?La gente ghè veniudo i cojoni a vedarte con el trio Lescano!